How To

How To

qanuq pijariaqarmangaat

aturlugu pijjutinga tigumigarniittuq

titiraujagait miksaanut

titiraujagait aqqutigilugit uqarunnaqputit unurtunik pivitunginnirsakkut. takulugu atausirmik igluinnanganik paippaat titiraujarsimajut uktutigillugu; atausiq titraujagaq titirarsimajuqangikkaluartillugu, uqaliimaartuq tukisijunnarpuq qanuq uqarasukmangaat.

atausirmik igluinnanganik titraujagaq unurtunik tukiqarunnartuq. kinaatuinnaq takugajartuq unikkaarnik ajjigiinngittuniklu takulutik. taimanna piujuq- pijjutigillugu uqausiksaqalirutaugajarmat ammalu isumagijarminik uqausiqakatalirlutik! atausirmik igluinnanganik titraujagaq mitakluni, uqaqsimaluni manna qanuippalliajunik uvvaluunniit niruartausimajunik,uvvaluuniit takukaujuq qanutuinnaq tukisijaujunnartuq.

aulavallianinga

isumagilugu unikkaanguninganik tarrijautitut. atuni titiraujaqvigijait pigiarsimaluni kingullirpaangani titiraujaqqaujumit unikkaliarilugu. uvvaluuniit unikkaarijait katitiriliktut titirtuqsimajutut pinnguartut. atuni titiraujaqvigijait titirsimartut atausiujutut; katitillugit unikkaliarijait saqinnasuklugu. una tavva pingsuullutik aviktursimajut atuni titiraujaqvigijatit:

ikajurlugit isumaginiaraviuk qanuq unikkaaliurniarmangaarpit, titiraujarlugu uvvaluunniit titirarlugu unikkaat paipaakkut. suuqlu titiraujarumaguvit qanuk kaikliurnirmik. kisumik qanurlu titiraujarajarpit?

qaujimajautillugu uqausikksait: apirilutit piqannarijarnik tukisingmangaata unikkaarijarnik ilaannit tukisartuugaluar isumakkut kisiani asingnut tukisiumajaungimmat. tukisikpata , taima unikkaattiarputit.

niruarsiniq tauttunganik:

marruuk pillariujuuk niruarsinasuklutit uvvaluunniit tautturiniartanganik sanaluni ukuangujuuk, saqqisimaninga ammalu naliaknut saanganinga.

saqqisimaninga: saqqisimaninga tukiqartuq qanur takuksautimmangaarpiuk titiraujartait anginirsajukkut titiraqvikkut. imaigajuk&uni, ungasikluni, akunnirsurluni ungasikninga ammalu qanittukuluuluni.

ungasikluni

akunnirsurluni ungasikninga

qanittukuluuluni

 

naliaknut saanganinga: ajjiliuriliruvit, isumagilugu nalaknut saanganiarmangaat. naliaknut saanganinga asilliutijunnarmat tauttunganik. takujaujunnarmat kappianarluni, upinnarluni, ulurianarluni, mikilluni, sanngiiluni asingillu. naliaknituinnaq tamarmik saangalutit ajjiliukataklugu.

uqasiit:

qangakkuunganiq aturlugu uqallakningit titiraqsimalutik avalusimalutik uqaqtangit, isumagijangillu uqaqsimaningit avalusimalutik ammal ataagut titirarsimalutik. ataagut titiraqsimajut aturtaugajukniqsaullutik unikkaartunut, ammalu ikajutaujunnaqmat tauttunga qanuilinganinganik uqaqsimaluni.

iqqaumalugu – ajjinguaq ilaannit uqattiarunnarniqsaujuq qaujitittinasukluni uqausikkuungingaartuq. pilimmaksarluni, ukturlutit qaujittinasuklutit unikkaarijarnik uqausituinnakkuungittuq. taimanna ajjiliugait ilaqasiutigajarmat unikkaarnut uqausiringikkaluarlugu.

titiraujagakkut – avalusimajut isumaginnguartangit uqalimartaujunnarmata.

unikkaaq aaqqiksimaninga isumagijait aaqqiksullugu unikkaariniartait. avikturlugit unikkarijait takuksaulirlutik. isumaksarsiurasukluni ammal unikkaarijait aaqqigasuklugu – titiraujarlugu uvaluuniit titirarlugit uqasiit. unikkaaq aaqqiksimaninga ikajuutaujunnartuq qanuq uqallagasukmangaarpit.

ukua tavva nalunangittukkut unikkaliurtunik aturtauqattartut:

iluangiliutit-aaqqigiarniit aturtauninga:

1.nami unikkaliat piva?iglurusinni

 

2. kina tavvaniippa unikaami?anaanagalu uvaguk

3. kisu iluangiliurutiva? asiujilaurakkit kiikka

4. qanur aaqigunnaqpa?salummarsaraluar&unga iglurusinnik nanilaungitakka

5. qanuituqalilauqpa?anaanama ningautilaurtaanga

isumagijaujutuinnait pillattaangittut iliqqusingit:unikkaaliurunnarputit sulingittunik pitaqalausimjjiangittunik.

1. nami unikkaliat piva?iglurusinni

2. kina tavvaniippa unikaami?anaanagalu uvangalu ammalu qilalugaralaaq

 

3. kisu iluangiliurutiva?asiujilaurakkit kiikka

 

4. qanur aaqigunnaqpa?qilalugaut nanilaurtangit

 

5. qanuituqalilauqpa?anaanama uasar&uniuk qilalugaq, anaanama nagligilirtanga qilalugar manna

 

 

apiqsurniut iliqqusia:apiqsuqluni kinatuinnaqmik unikkanganiklu titiraujaqlugu.

1. niruaqsilutit apiqsurumajarnik. Qanuq qaujijumavit tavvanngat?Suuqlu: niruarsiguvit innaqmik. qanuiliuqattalaurpat iliktut innautigitillugu? 2.uvaluuniitniruarsiguvit kisumik qaujijumajaqnik, ammalu nanisilutit kinamut apiqsurniarmangaarpit.suuqlu: ilittumajunga kaikliurniqmik. apiriniartara anaanattiara qanuq kailiuqattaqmangaat.

qanuliurluni iliggusia:niruaqsilutit qanuiliurniujumik, uvvaluunniit qanuiliurtumik titiraujarniarlugu.suuqlu:qunngiariarsimaluni, inusirni ulluqalautaut, pisujukluni, qanuiliurumaqattaqpit ilinniariiraangavit.

pilimmaksauti

1. 1. ikpigijatit:

titiraujagattiavait saqqijaaqtittingmata uqausikkuungittuq. Niruarsilutit unikkariniartaqnik.

uuktuutit:

numaasukniq:ataataga tuqulaurtuq.quviasukniq: qimmitaasaqtugut.

ORUvvaluunniit niruarlutit ikpigijarnik (sapinginniq, naluliuqaniq,iqianngursimaniq,aanniqsimaniq,pirajakniq,taqasimaniq,kaakniq,kappiasukniq,tatituniq,ningaumaniq,uimmaktitauniq, asingillu nanilugit quvianaqtut).

2. inugiani pilimmaksauti:

aviktullutik marruulilutik. Niruarsiluni tarrijautimik takujausimajuinnaqmik alianaigijassinnik. unikkausirilugu titiraujagait 16 ngulutik. isumagilugu unikkaanguniartuq pijjutiqarninga tukisinattiaqullugu. titiraujarlugu amma titiralugit uqasingit titiraujarvikngagut. atausituamik uqallaksimajumik titirarunnarlutit titraujagarvingagut.

3. Tauttunganik pilimmaksauti:

Unikkaaliurlutit atausiqmik tattuqarluni. naliatuinnaq unikkaangujuq.

4. asiuttaqtut titiraujaqviit:

titiraujagait aturlugit isumagijunnartait unikkaarijait. suuqlu- isumagilugu qanur unikkautijumavigit tautuktut, titiraujalirlugu ununngilaangugiarlugit titraujaviit. Suuqlu, pigiarlutit 6 titiraujarviit. asuilaak pigiakkannirlugu unikkaakkannilirlugu 5 titiraujarviit. asuilaak 4, kajusilugu atausiuliqluni titiraujarvik. suli unikkarijait tukisinaqpaa?

uuktuuti: qunngiriarluni, , inusirni ulluqalautaut, pisujukluni, qanuiliurumaqattaqpit ilinniariiraangavit?

aturlugu pijjutinga qarasaujakkut atuni maligialiit maliklugit.

ᑐᑭᓯᒋᐊᕐᕖᑦ ᐊᐱᖅᓵᖅ